«Uǵymǵa jumbaq ulý jyly» - respýblıkalyq basylymdarǵa sholý

ASTANA. 31 jeltoqsan. QazAqparat - Qazaq aqparat agenttigi respýblıkalyq basylymdarda 31 jeltoqsan, senbi kúni shyqqan ózekti materıaldarǵa sholýdy usynady.

***

«Egemen Qazaqstan» gazetiniń jazýynsha, keshe Aqparattyq daýlardy qaraý jónindegi qoǵamdyq keńestiń otyrysy ótti. Oǵan EQYU/DIAQB men TMD-dan baıqaýshylar mıssııalarynyń, «Qazaqstan Respýblıkasy Parlamenti Májilisi depýtattarynyń kezekten tys saılaýyn baqylaý jónindegi respýblıkalyq qoǵamdyq komıssııa» RQB-niń ókilderi, sondaı-aq JSDP men «Ádilet» demokratııalyq partııasynan baıqaýshylar qatysty. Keńes músheleri Ortalyq saılaý komıssııasy Baılanys jáne aqparat mınıstrligimen birlesip ótkizetin BAQ monıtorınginiń aralyq qorytyndylaryn talqylady. Bul týraly Qazaqstan Res­pýb­lıkasy Baılanys jáne aq­pa­rat vıtse-mınıstri Lázzat Tanys­baı baıandady. Onyń habardar etýinshe, monıtorıng 53 baspa ba­sylymdaryn, 13 respýblıkalyq telearnalar men 5 radıo­arna­lar­dy qamtıdy. Bul jaıynda tereńirek «Teń jaǵdaıda jáne birdeı mólsherde» degen taqyryptaǵy maqaladan bile alasyzdar.

«Ortalyq saılaý komıssııasynyń keshegi otyry­syn­da Komıssııa Qazaqstan halqy Assambleıasy saı­laıtyn Parlament Májilisi depýtattyǵyna 9 kan­dı­dat­ty tirkedi», - dep jazady «Egemen Qazaqstan» gazeti búgingi sanyndaǵy «Assambleıa saılaıtyn kandıdattary tirkedi» degen taqyryptaǵy maqalasynda. Kúntizbelik josparǵa sáı­kes 2011 jylǵy 31 jel­toq­sanda Qazaqstan halqy Assambleıasy saılaıtyn Par­lament Májilisi depýtat­ty­ǵyna kandıdattardy tirkeý aıaqtalady. Saılaý tý­raly zań boıynsha Assambleıa Ke­ńe­si 9 kandıdat usynǵan bo­latyn. Ortalyq saılaý ko­mıs­sııasy olardyń barly­ǵyn tirkedi. Úmitkerlerdiń ishinde eki áıel bar. Kan­dı­dattardyń ortasha jasy - 59 jas. Olar­dyń barlyǵy joǵary bilimdi. Altaýy ǵy­lym, máde­nıet jáne bilim sa­l­alarynyń qyzmetkerleri. Ta­ǵy úsh úmitker - tórtinshi shaqy­ryl­ǵan Qazaqstan Res­pýblıkasy Parlamenti Má­ji­lisiniń de­pýtattary. Tirkelgen kandıdattar saılaý­al­dy úgit jumysyna 2012 jylǵy 1 qańtardan bastap ki­rise alady.

***

Endi ǵana tórge jaıǵasqaly otyrǵan 2012 jyldyń enshisi qandaı bolmaq? Bul suraq, ásirese, merekeni asyǵa kútip, jyldy jańa úrdiste qarsy alý sol jyldyń jaqsy ótýine sebep degenge senetinder úshin mańyzdy. Endeshe Ulý jylynyń jalpy bolmysyna, múshel ıesiniń qandaı haıýan ekendigine kóz jetkizgińiz kelse, «Astana aqshamy» gazetindegi «Uǵymǵa jumbaq ulý jyly» degen maqalaǵa kóz júgirtińiz.

***

Jańa jyl qarsańynda astanalyq nurotandyqtar taǵy da saılaýshy­lar­men kezdesti. Jalpy, bul kúnderi «Nur Otan» partııasynyń nasıhat jumysy «Esikten - esikke» uranymen júrip jatyr. Saılaýaldy naýqanǵa arnaıy jattyǵý sabaqtarynan ótken 64 erikti jumyldyrylǵan. Bul ju­mys kúndelikti jedel úgit topta­ryn­da, úgit beketterinde júzege asyry­lý­da. Eń bastysy, ol túrli ortada, túr­li toptarda, sonymen qatar, naq­ty óńirler men aýdandarda jeke-jeke ataýly rette qolǵa alynýda. Partııa tuǵyrnamasyn jan-jaqty túsindirý boıynsha elimiz kóleminde úsh myńǵa jýyq jedel úgit toptary júr. Olar qazirdiń ózinde kóptegen otbasylaryna baryp úlgerdi. Sony­men qatar, barlyq iri saýda orta­lyq­tarynda, bazarlarda, qalalar men aýyldarda partııanyń úgit beketteri ju­mys isteýde. Olardyń sany - res­pýb­lıkamyz boıynsha eki jarym myń. Nurotandyqtar úgit materıal­da­­ryn ta­ratyp, saılaýshylarmen áńgimelesedi. Bul týraly «Kazahstanskaıa pravda» gazetindegi «Ot dverı k dverı» degen taqyryptaǵy maqaladan egjeı-tegjeıli bile alasyzdar.

***

Jańa jyl kúni shańyraq kóterip, otbasy qurý qyzyqty ıdeıa sııaqty. Degenmen osyndaı qadamǵa aıaq basqan astanalyqtar da az emes eken. Olar túngi saǵat 12-ni soqqanda neke qıdyrǵysy kelgen 24 astanalyq jup Almaty aýdandyq ZAGS-ke ótinish beripti. Bul jaıynda «Vechernıaıa Astana» gazetindegi «Pod venets - na Novyı god» degen maqaladan bile alasyzdar.