Ýgo Chaves jańa munaı alıansyn qurýdy usyndy
ASTANA. 7 qazan. QazAqparat - Venesýela Prezıdenti Ýgo Chaves munaı alyptarynan qurylǵan halyqaralyq uıym qurý ıdeıasyn qarastyrýdy usyndy. Bul jóninde ol reseılik vıtse-premer Igor Sechınmen telekópir barysynda málimdedi.
Ýgo Chavestiń aıtýynsha, «jańa uıymnyń jumysy Munaı eksporttaýshy elder uıymynyń qyzmetine esh kedergi keltirmes edi», dep habarlaıdy ITAR-TASS.
Onyń aıtýynsha, «áńgime álem boıynsha sany tórt-beseýden aspaıtyn munaı alyptarynan qurylǵan uıym qurý ıdeıasyn talqylaý jaıynda.
Prezıdent eskerip ótkendeı, «OPEK - bul qazirgideı aldymen Irakqa, keıin Lıvııaǵa qarsy bastalǵan basqynshylyq syndy qıyn tarıhı kezeńde Venesýela mańyzdy ári ustamdy rol atqarǵan jáne áli de atqaratyn tanymal tarıhy bar uıym», dep jazady VESTI.ru.
