Ýgo Chaves Venesýelany soǵysqa daıyndalýǵa shaqyrdy
ASTANA. Qarashanyń 9-y. QazAqparat - Venesýela prezıdenti Ýgo Chaves Kolýmbııa men AQSh-tyń arasynda jaqynda qol qoıylǵan áskerı yntymaqtastyq týraly shartty taǵy da synǵa alyp, otandastaryn jáne armııany soǵysqa daıyndalýǵa shaqyrdy, dep habarlady jeksenbi kúni Venesýelanyń VTV telearnasy.
«Imperııa tiri jáne bizge burynǵydan da beter qaýip tóndirip otyr. AQSh bazasy el astanasy Karakastan 20 mınýttaı jerde ornalasqan. Joldas ofıtserler, bizdiń negizgi mindetimizdi oryndaý úshin - soǵysqa daıyndalý jáne halyqqa soǵysqa daıyndalýǵa kómektesý úshin bir kúndi de bos jibermeýimiz kerek, sebebi bul barshamyzdyń mindetimiz», - dep málim etti Venesýela prezıdenti Portýges shtatyndaǵy Akarıgýa qalasynda áskerılerdiń aldynda sóılegen sózinde.
Chaves sondaı-aq, mılıtsııa qurylymdaryn qurýdy jedeldetýdi, «revolıýtsııashyl stýdentterdi, eńbekshilerdi jáne áıelderdi» áskerı iske oqytýdy usyndy. Chavestiń sózi apta saıyn jeksenbi kúni bolatyn «Allo, prezıdent» teleradıobaǵdarlamasynyń efırinde kórsetildi.
