Ýgo Chaves álemdegi eń bıik sarqyramanyń ataýyn ózgertti
ASTANA. Jeltoqsannyń 21-i. QazAqparat - Venesýela prezıdenti jeksenbi kúni jasaǵan málimdemesinde, eldiń ońtústigindegi Bolıvar shtatynyń aýmaǵynda ornalasqan Anhel sarqyramasy budan bylaı Chýrým Merý dep atalatynyn jarııa etti.
1930 jyly ushqyshtyń arqasynda álemge aty tanylǵan Anhel sarqyramasynyń amerıkandyq ushqysh Djımmı Endjeldiń esimimen atalýyna keıigen Ýgo Chaves osyndaı málimdeme jasady, dep habarlaıdy «Maıak» radıosy.
«Eger osy ataýdy áli de qabyldaı bersek, bul jerde olarǵa deıin eshkimniń turmaǵanyn moıyndaǵan bolamyz. Endjeldiń bul mańǵa aıaq basqan alǵashqy adam dep moıyndap, sarqyramany onyń esimimen ataýǵa esh negiz joq. Biz sarqyramanyń ataýyn ózgertýimiz kerek», dep málim etken el basshysy, budan bylaı ony qoldaǵandardyń barlyǵy sarqyramany basqasha emes, Chýrým Merı sarqyramasy dep ataýlary kerek ekenin aıtty.
Sarqyramany 1910 jyly zertteýshi Ernesto Sanches ashqan dep sanalady, biraq birqatar tarıhshylar Anheldiń ashylýyn 1927 jylǵa telıdi.
