Úgit-nasıhat naýqanynda saıası partııalardyń reıtıngi birshama ózgerdi - «Demokratııa ınstıtýty» ǵylymı-zertteýler qaýymdastyǵy»
ASTANA. 9 qańtar. QazAqparat /Aıdar Ospanalıev/ - «Májilis depýtattarynyń saılaýyna qatysatyn saıası partııalardyń úgit-nasıhat naýqany kezinde reıtıngi birshama ózgerdi»,-dep málimdedi búgin «Demokratııa ınstıtýty» ǵylymı-zertteýler qaýymdastyǵy» qoǵamdyq birlestigi jobasynyń dırektory ıÝlııa Kýchınskaıa.
Bul týraly ol Májilis depýtattarynyń saılaýyna qatysty qalyń kópshiliktiń oı-pikirlerin bilý maqsatynda ekinshi ret ótkizilgen zertteý jumystaryna baılanysty baspasóz máslıhatynda málim etti.
Dırektordyń derekterine qaraǵanda, «Nur Otan» halyqtyq demokratııalyq partııasy úgit-nasıhat naýqany kezinde óziniń qoldaýshylaryn 80,1 paıyzǵa deıin jetkizgen. Al Qazaqstannyń «Aq jol» demokratııalyq partııasyn qoldaýshylar 7,3 paıyzǵa jetken. «Atalmysh kórsetkishter boıynsha úshinshi orynda Qazaqstannyń kommýnıstik halyq partııasy tur. Bul partııany zertteýge qatysýshylardyń 7,1 paıyzy qoldap otyr. Jalpyulttyq sotsıal-demokratııalyq partııasyn qoldaýshylar kerisinshe 1,9 paıyzǵa deıin tómendedi»,-dedi ıÝ.Kýchınskaıa.
Onyń aıtýynsha, Májilis saılaýyna qatysýǵa bel býyp otyrǵan ózge saıası partııalardyń reıtıngi úgit-nasıhat naýqanynda aıtarlyqtaı ózgergen joq. «Naqtyraq aıtqanda, «Ádilet» demokratııalyq partııasyn caılaýshylardyń 1,3 paıyzy qoldasa, Patrıottar partııasyna daýys berýshiler 0,8 paıyzdy qurady. Al sotsıal-demokratııalyq «Aýyl» partııasyn 0,5 paıyz halyq qoldady. Zertteýge qatysqan azamattardyń 1 paıyzy áli qaı partııaǵa daýys bertindigin sheshpegen»,-dedi joba dırektory.
