Ýgandadaǵy jantúrshigerlik apat: 32 adam qaıtys boldy
PRETORIıA. QazAqparat – Ýgandanyń batysynda joǵary jyldamdyqty tasjolda bes kólik soqtyǵysyp, 32 adam qaza boldy, dep habarlaıdy QazAqparat Daily Monitor gazetine silteme jasap.
«Jóndeý jumystary júrip jatqan joǵary jyldamdyqty Fort-Portal – Kasese tasjolynda 2 aqpan kúni bes kólik soqtyǵysyp, 32 adam oqıǵa ornynda mert boldy, taǵy bes adam aýyr jaraqat aldy», - dep málimdedi Ýgandanyń Qyzyl Krest ókili Iran Nakasıta.
Kýágerlerdiń aıtýynsha, jol apatyna júk kóligin júrgizýshi sebep bolǵan. Er adam rýlge ıe bola almaǵan. Avtokólik shanaǵynda adamdar bolǵan.
Polıtsııa apattyń jaı-japsaryn tergeýdi bastady.
