Ýgandadaǵy jol apatynan 14 adam qaza tapty
ASTANA.KAZINFORM — Ýgandada jolaýshylar avtobýsy men júk kóliginiń soqtyǵysýynan 14 adam qaza taýyp, 28 adam aýyr jaraqat aldy, dep habarlaıdy BELTA.
Basylymnyń málimeti boıynsha, jergilikti polıtsııa Ýgandanyń soltústigindegi Kampala-Gýlý tas jolynda bolǵan jol apaty týraly habarlady.
Aldyn ala tergeý Isuzu jolaýshylar avtobýsynyń júrgizýshisi jyldamdyqty asyryp, joldan ótip bara jatqan jaıaý júrginshiden aýlaq bolýǵa tyrysqan kezde kólikti basqara almaı, qarsy kele jatqan Mercedes-Benz Actros kóligimen soqtyǵysqan.
Polıtsııa sonymen qatar 14 adamnyń oqıǵa ornynda qaza tapqanyn rastady. Taǵy 28 adam aýyr jaraqat alyp, jaqyn mańdaǵy aýrýhanalarǵa emdelýge jetkizildi.
Jol-kólik oqıǵalary Ýgandadaǵy qoǵamdyq qaýipsizdiktiń kúrdeli máselesi. Polıtsııa sońy ólimmen aıaqtalatyn apattardy jyldamdyqty asyrý, basyp ozý jáne júrgizýshiniń nemquraılylyǵymen baılanystyrady.
Aıta keteıik, 22 jastaǵy Astana turǵyny Býrabaıda kvadrotsıkl júrgizip bara jatyp qaıtys boldy.
