Ýgandada jasalǵan eki lańkestik áreket saldarynan 64 adam mert boldy
ASTANA. Shildeniń 12-si. QazAqparat - Ýganda astanasy Kampala qalasynda oryn alǵan eki jarylys saldarynan, naqtylanǵan málimetterge qaraǵanda 64 adam mert boldy, onyń ishinde AQSh azamattarynyń bolǵany da anyqtaldy, dep habarlaıdy polıtsııa ókilderine silteme jasap, habarlaǵan Lenta.Rý.
Buǵan deıin, fýtboldan álem chempıonatynyń fınaldyq kezdesýi barysyn meıramhanalar men sport barlarda tamashalap otyrǵan jerlerdegi eki jarylys saldarynan 23 adam mert boldy, dep habarlanǵan bolatyn. Zardap shekkenderdiń naqty sany ázirge anyqtalǵan joq, degenmen qaladaǵy aýrýhanalardyń birine 12 jaraly jetkizilgen, onyń ishindegi úsheýi amerıkan azamattary bolyp shyqty.
Jarylǵysh zat shildeniń 11-inde keshkilik meıramhana men sport-barda fýtboldan álem chempıonatynyń fınaldyq kezdesýin tamashalaýǵa halyqtyń meılinshe kóp jınalǵan kezinde iske qosylǵan.
RBK-nyń habarlaýynsha, bombanyń bireýi Kyadondo regbı-klýbynda jarylǵan. Jarylystar araǵa kóp ýaqyt salmaı, birinen keıin ekinshisi qaıtalanǵan. Oqıǵa oryny qorshaldy. Qutqarý qyzmeti men qaýipsizdik kúshteri zardap shekenderge jedel medıtsınalyq kómek kórsetip, adamdardy qaýipsiz aımaqqa kóshirdi.
Ekinshi jarylys Kampalamen kórshiles jatqan efıopııalyq Kabalgala eldi mekeninde oryn aldy.
