Ýgandada Vıktorııa kólinde qaıyq apatqa ushyrap, 20 adam mert boldy
KAMAPALA. SINЬHÝA-QazAqparat – Ýgandanyń ortalyq bóligindegi Vıktorııa kólinde qaıyq apatqa ushyrap, 20 adam qaza tapty. Bul týraly sársenbi kúni jergilikti polıtsııa málimdedi, dep habarlaıdy QazAqparat Sınhýa agenttigine silteme jasap.
«Boljam boıynsha, aýdarylǵan qaıyqtyń ishinde 34 adam bolǵan. Oqıǵa 05.00-de boldy, qazirgi ýaqytta 20 adamnyń mert bolǵany belgili», - dep habarlady Sınhýa tilshisine astanalyq Kampala polıtsııasynyń resmı ókili Patrık Onıango.
Ol sársenbi kúni tańerteń kómir, azyq-túlik pen balyq salynǵan qaıyq Kalangala okrýgindegi araldardan Vakıso qurlyqtyq okrýgine attanǵanyn aıtty.
«Oqıǵaǵa tym kóp tıelgen júk pen qolaısyz aýa raıy sebep boldy. Teńiz polıtsııasynyń qutqarý otrıadtary, Ýganda Halyqtyq qorǵanys kúshteri balyq aýlaý kúzetiniń bólimshesi men jergilikti turǵyndar joǵalǵan adamdardy izdep jatyr», - dep atap ótti polıtseı.
Kalangala parlamentiniń múshesi Helen Nakımýlı Sınhýa tilshisine telefon arqyly: «Biz únemi adamdarǵa aýa raıy jaısyz kezde túnde saparǵa shyqpaý keregin aıtamyz. Biraq, olar kerisinshe qaıyqty júk pen jolaýshyǵa toltyryp alady», - dedi.
«Úkimet Vıktorııa ózeninde kóbirek qutqarý ortalyqtaryn uımydastyrýy kerek. Osyndaı oqıǵalar bolǵan kezde teńiz polıtsııasy adamdardy qutqarýǵa daıyn bolar edi», - dep tolyqtyrdy ol.
Ótken aıda Vıktorııa ózeninde eki qaıyq apatqa ushyrap, alty adam qaza tapqan bolatyn.
