Ýgandada asa qaýipti qylmyskerlerdiń túrmesinen 219 tutqyn qashyp ketti
PRETORIıA. QazAqparat – Ýgandanyń soltústik-shyǵysyndaǵy asa qaýipti qylmyskerlerge arnalǵan túrmeden 200-den astam tutqyn bir áskerı qyzmetkerdi óltirip, qashyp ketken, dep habarlaıdy QazAqparat kenııalyq Nation gazetine silteme jasap.
Ýgandanyń túrmeler boıynsha bas komıssary Djonson Bıabashaııdiń aıtýynsha, Moroto qalasyndaǵy túrmedegi bir top tutqyn 16 qyrkúıek kúni kúzetshilerge shabýyl jasap, 15 vıntovkany alyp ketken. Olardyń sońyna qamaýǵa alynǵan basqa qylmyskerler de ilesken. Olardyń jalpy sany - 219 adam.
Djýnglıde tyǵylyp jatqan qashqyndardy ustaý úshin aýdanǵa áskerı bólim keldi. Operatsııaǵa brıgadalyq general Flavııa Bekvaso jetekshilik etedi. Ol jergilikti turǵyndardy qyraǵy bolýǵa shaqyrdy.
Morotodaǵy túrmege aýyr qylmys jasaǵan adamdar qamalady. Ázirge úsh qashqyn ustaldy. Áskerılerdiń aıtýynsha, taǵy bireýi zalalsyzdandyryldy.
Foto: dailysabah.com