Ýganda ózenindegi apat saldarynan 50 adam mert boldy
ASTANA. Tamyzdyń 2-si. QazAqparat - Ýgandada kemeler soqtyǵysýy saldarynan 50 adam mert boldy. Oqıǵa eldiń shyǵys bóligindegi Kongomen shekaralas aımaqtaǵy Albert ózeninde oryn aldy. Bul jóninde búgin jergilikti quqyq qorǵaý organynyń ókilderi habarlady. Olardyń aıtýlaryna qaraǵanda, kemede 70-ten 80-ge deıin adam otyrǵan, degenmen onyń naqty sanyn eshkim bilmeıdi, dep habarlaıdy RBK.
Dál qazirgi ýaqytqa deıin 5 adam qutqarylyp, 17 adamnyń denesi tabylǵan. Ýganda polıtsııasynyń aıtýynsha, qutqarý sharalary áli de bolsa júrgizilip jatqanymen, endigi jerde tiri qalǵandar tabylady degenge úmit az. Adamdardyń kemede bolýy múmkin degen sanmen esep jasaǵanda, 50-den astam adam opat boldy.
Quqyq qorǵaý organdarynyń boljamy boıynsha, shaǵyn kemeniń apatqa ushyraýyna onyń salmaǵynyń tym aýyrlap ketkeni sebep bolǵan. Tehnıkalyq kórsetkish boıynsha, ol 40 adamnyń salmaǵyna deıingi júkti tasymaldaýǵa arnalǵan.
