Ýgandada bolǵan kóshkinnen 14 adam qaza tapty

ASTANA. KAZINFORM – Ýganda shyǵysyndaǵy Býlambýlı aýdanyndaǵy alty aýyldy basyp qalǵan kóshkinnen qaza tapqandar sany 14-ke jetti, dep habarlady Ýganda Qyzyl Krest qoǵamy (ÝQKQ) beısenbi kúngi málimdemecinde, dep jazady Sınhýa.

Jergilikti sheneýnikterdiń jáne týystarynyń habarlaýynsha, sársenbi kúni túnde kóshkin kezinde 100-den astam adam iz-túzsiz joǵalyp, ondaǵan úı kómilip qalǵanyn aıtty.

Habarǵa sáıkes, 14 máıit tabylyp, aýyr jaraqat alǵan 15-ke jýyq adam jergilikti medıtsınalyq mekemege jetkizilgen.

ÝQKQ málimetinshe, sársenbi kúni keshke taýly aımaqta jaýǵan jańbyr saldarynan bolǵan kóshkin 40 úıdi sý basyp, qalǵandary jartylaı zaqymdanǵan.

Jergilikti bılik ókilderi zardap shekken otbasylarǵa azyq-túlik pen ýaqytsha baspana sııaqty shuǵyl gýmanıtarlyq kómek qajet dep dabyl qaǵýda.

Ýgandada qatty jaýyn-shashyn kezinde kóshkin jıi bolady. Tamyz aıynda Ýgandanyń ortalyǵynda kóshkin júrip, 30-dan astam adam qaza tapqan. Mamyr aıynyń basynda eldiń batysyndaǵy Kasese aýdanyndaǵy kóshkin 8 adamnyń ómirin qıǵan.

Aıta keteıik, Ýgandada Vıktorııa kólinde qaıyq apatqa ushyrap, 20 adam mert bolǵanyn jazǵan edik.