UǴA: Eldegi 10 myń jumys isteıtin adamnyń 23,7-si ǵana zertteýshi

ASTANA. KAZINFORM – QR Prezıdentiniń janyndaǵy Ulttyq ǵylym akademııasynyń vıtse-prezıdenti Abaı Serikqanov qaıta óńdeý ónerkásibine ǵylymı ınnovatsııalar nege dendep enbeı jatqanyn túsindirdi.

- Qaıta óńdeý ónerkásibindegi ınnovatsııalyq turǵyda belsendi kásiporyndardyń úlesi sonshalyq joǵary emes – 1,7 paıyz. Shyǵarylǵan ınnovatsııalyq ónimniń kólemi 2 mlrd teńgege jetti. Al eksporty 5 esege jýyq ósti. 2023 jyly Qazaqstan ekonomıkasyndaǵy jumyspen qamtylǵan 10 myń adamǵa bar bolǵany 23,7 adam ǵana kelgen. Bul Ekonomıkalyq yntymaqtastyq pen damý uıymynyń kórsetkishinen áldeqaıda tómen, - dedi ol Senatta ótip jatqan kezdesýde.

Aıtýynsha, bul máselede óńirler arasyndaǵy kórsetkishter ala-qula.

- Almaty-Astana qalalarynda kórsetkish birshama jaqsy bolǵanymen keıbir oblystarda óte tómen. Ǵylym akademııasynyń paıymdaýynsha, ǵylymı-tehnologııalyq damýǵa qarjylandyrýdyń jetispeıtini jáne tartylatyn qaryzdardyń paıyzdyq mólsherlemesiniń joǵary bolýy kedergi keltirip otyr. Mysaly qaryz kapıtalynyń paıyzdyq mólsherlemesi – 18 paıyz. Ǵylymı-zertteý jáne tájirıbelik-konstrýktorlyq jumystarǵa berilgen bank nesıeleriniń úlesi de tómen – 0,1 paıyz. Negizgi ınfraqurylymdar da tozǵan. Mysaly, qaıta óńdeý ónerkásibindegi negizgi qorlardyń tozý deńgeıi 41 paıyzǵa jetken. Bul jańa tehnologııalardy engizýge kedergi, - dedi Abaı Serikqanov.

Eske salsaq, naýryz aıynda Almatydaǵy Ulttyq ǵylym akademııasy taratylatyny málim bolǵan edi.