Ýfologtar Qazaqstanda kóshpendiler men kelimsekter baılanysqa shyqqan oryndy tapty
ASTANA. QazAqparat - Qazaqstanda kúlgin tústi Aqjar taýlary bar. Ýfologtardyń paıymynsha, kóshpendiler ózge planeta turǵyndarymen osy jerde baılanysqa shyqqan, dep habarlaıdy QazAqparat «Ekspress-K» basylymyna silteme jasap.
Borly Aqjar taýlary Ulytaýǵa jaqyn jerde ornalasqan. Kúlgin tús tabıǵatta sırek kezdesedi. Mundaı tús taýda kishkentaı ametıst krıstalldarynyń kóp túsýi nátıjesinde bolýy múmkin, dep jazdy «Ekspress-K» gazeti.
Tengrıandyq senim zamanynda Aqjar taýlary qasıetti dep sanalǵan. Kóne túrik ańyzyna sáıkes, osy shyńdardan adamdarǵa qudaılardyń uldary túsken. Belgili «Kosmopoısk» tobynyń ýfologtary kóshpendiler alǵash ret ózge planeta turǵyndarymen osy jerde kezdesti dep sanaıdy.
Ejelgi zamanda shýmerler - kóne túrikter kishi anýnnaka qudaılaryna sengen. Olardyń senimine qaraǵanda, olar adam taǵdyryn sheshý úshin kókten jerge qýylǵan. Zamanaýı ýfologtar kóne túrikter anýnnaka dep ózge planeta turǵyndaryn ataǵan dep esepteıdi. Al Aqjar taýlary - bul «juldyzdy desantty» jerge túsiretin oryn bolýy yqtımal. Ózge planeta turǵyndary kóne túriktermen óz órkenıetin quryp, olarǵa metallýrgııa salasynda bilim berýi múmkin. Jasy úsh myń jylǵa baǵalanǵan kóne eritý oryndarynyń biri Jezqazǵan mańynan tabylǵan. Aqjar taýy sonyń mańynda ornalasqan.
Ýfologtar anýnnakalar Lıvandaǵy Baalbek ǵıbadathanasyn saldy dep sanaıdy. Onyń fýndamenti árbiriniń salmaǵy 800 tonnany quraıtyn úsh plıtadan turady. Ozyq tehnologııalardy paıdalanyp ta mundaı úıindini jyljytý múmkin emes.
