UFC Jalǵas Jumaǵulovtyń kelesi aıqasynyń datasyn jarııalady
ASTANA. QazAqparat – Álemniń beldi promoýsheni – UFC aralas jekpe-jek sheberi, qazaqstandyq Jalǵas Jumaǵulovtyń kelesi jekpe-jegin jarııalady, dep habarlaıdy QazAqparat Sports.kz saıtyna silteme jasap.
«Jalǵas Jumaǵulov oktagonǵa oralady! 19 qarashada ótetin týrnırde onyń qarsylasy Charls Djonson bolady», - delingen UFC-diń resmı akkaýntynda.
Kezdesý Las-Vegasta (Nevada shtaty) UFC Apex arenasynda ótedi.
Ch.Djonson buǵan deıingi kezdesýinde brıtandyq sportshy Mýhammad Mokaevqa tóreshilerdiń biraýyzdy sheshimimen jeńilgen edi.
Qazaqstandyq faıter bolsa UFC-de 5 jekpe-jek ótkizdi. Onyń bireýinde ǵana jeńiske jetse, tórteýinde jyǵyldy.
Foto Sports.kz
