UFC tarıhyndaǵy eń jyldam nokaýttyń vıdeosy jelige tarady
NUR-SULTAN. QazAqparat - Amerıkalyq aralas jekpe-jek sheberi Horhe Masvıdal jartylaı orta salmaq sanatynda buryn Bellator jáne One FC chempıony bolǵan otandasy Ben Askrendi nokaýtpen jeńdi. Jekpe-jek UFC tarıhyndaǵy eń qysqa kezdesý boldy, dep habarlaıdy QazAqparat tilshisi.
Vıdeo Týıtterdegi UFCEspanol paraqshasynda jarııalandy.
Aıqas birinshi raýndtyń 5-sekýndynda aıaqtaldy. Masvıdal sekirip qarsylasynyń basyna tizesimen soqqy berdi. Soqqynyń kúshinen Askren aýyr nokaýtqa tústi.
WOW!!!! @GamebredFighter damas y caballeros!!!! #UFC239 pic.twitter.com/0KlBmlI1sn
— UFC Español (@UFCEspanol) 7 ııýlıa 2019 g.
Buǵan deıin aralas jekpe-jek tarıhynda eshkim qarsylasyn 5 sekýndta jeńbegen.
Aıta keteıik, jekpe-jek Las-Vegas qalasynda (AQSh, Nevada shtaty) ótti. 34 jastaǵy Masvıdal kásibı mansabyndaǵy 34-shi jeńisine qol jetkizdi. Budan tys 13 ret jeńilgen. Al onyń qurdasy Askren alǵash ret jeńilip otyr. Ol buǵan deıingi 19 jekpe-jeginiń bárinde basym túsken bolatyn.
