UFC tarıhyndaǵy alǵashqy qazaqstandyq qyzdyń kelesi qarsylasy kim
NUR-SULTAN. QazAqparat – Aralas jekpe-jekten álem chempıony, qazaqstandyq Marııa Agapova UFC-degi jeńisinen keıin ne sebepti amerıkalyq Shene Dobsondy aıqasqa shaqyrǵanyn aıtty, dep habarlaıdy QazAqparat Sports.kz saıtyna silteme jasap.
Marııa Agapova - UFC týrnırinde óner kórsetken alǵashqy qazaqstandyq qyz.
Eske sala keteıik, 13 maýsym kúni Las-Vegasta kezdesýdiń úshinshi mınýtynda ol amerıkalyq Hanna Saıfersti jeńgen bolatyn.
Aıqastan keıin qazaqstandyq sportshy qyz Dobsonmen jekpe-jekke shyqqysy keletinin málimdedi.
«UFC-de meniń alǵashqy qarsylasym kim bolatyny týraly másele talqylanǵanda Shena Dobsonnyń esimi ataldy. Alaıda ol bas tartty. Men nege ekenin bilmeımin. Múmkin, koronavırýsqa baılanysty jaǵdaıyn oılap, sol úshin bas tartqan bolar. Kóptegen sportshylar táýekelge barǵysy kelmeıdi. Bul sebep bolýy da, bolmaýy da múmkin. Biraq ol sebebin túsindirip, jaýap berýden bas tartty. Sodan keıin meniń jattyqtyrýshym Mohammed Laval «Múmkin, jekpe-jekten keıin Shena Dobsondy aıqasqa shaqyrarsyń? Ol sen úshin jaqsy qarsylas bolar edi» dedi. Men «nege shaqyrmasqa» dedim de, UFC-degi aıqastan keıin ony jekpe-jekke shaqyrdym. Ol kelisti. Endi biz 22 tamyzda judyryqtasamyz», — deıdi Marııa Beyond the Cage podkastyna bergen suhbatynda.
