UFC tarıhyndaǵy alǵashqy qazaqstandyq qyz jańa qarsylasyn aıqasqa shaqyrdy
NUR-SULTAN. QazAqparat – Qazaqstandyq Marııa Agapova UFC-degi alǵashqy aıqasynyń úshinshi mınýtynda amerıkalyq Hanna Saıfersti jeńdi, dep habarlaıdy QazAqparat Sports.kz silteme jasap.
Osy aıqastan soń ol birinshi kezekte Elbasy Nursultan Nazarbaevqa jáne óz komandasyna alǵys aıtty.
Sodan keıin jekpe-jek týraly jáne kelesi qarsylasy týraly sóz qozǵady.
«Meniń armanym oryndaldy, osy úshin barymdy saldym. Kóp jumys istep kelemin. Shena Dobson, menen qashqanyńdy qoı. Aıqas ótkizeıik, seni kútemin», - dedi Agapova.
Aıta keteıik, aralas jekpe-jekten álem chempıony Marııa Agapova - álemge tanymal promoýshendegi alǵashqy qazaqstandyq sportshy qyz.
Ol osy jyldyń aqpan aıynda Ultimate Fighting Championship (UFC) uıymymen kelisimshartqa otyrǵan bolatyn.
Búgin tańerteń ol UFC týrnırinde birinshi ret alańǵa shyǵyp, jeńiske jetti.
— inform.kz inform.kz
