UFC kelesi týrnıri qashan jáne qaıda ótedi
NUR-SULTAN. QazAqparat - Las Vegas Review-Journal jýrnaly UFC prezıdenti Dena Ýaıt promoýshenniń kelesi týrnıri 30 mamyr kúni Las-Vegasta bolatynyn rastaǵanyn jazdy. Bul týraly QazAqparat sports.kz saıtyna silteme jasap habarlaıdy.
Nevada shtatynyń Atletıkalyq komıssııasy shtat aýmaǵynda sport sharalaryn ótkizýdi áli maquldaǵan joq. Biraq Ýaıttyń aıtýynsha, komıssııa Las-Vegas aýmaǵynda týrnırdi kórermensiz ótkizý ıdeıasyn tolyǵymen qoldaıdy.
Eske sala keteıik, UFC eki apta ishinde úsh týrnır ótkizgen bolatyn. 9 mamyrda UFC 249, 14-i kúni UFC Fight Night 171 týrnıri jáne 16-synda UFC Fight Night 172 shoýy ótti. Barlyq týrnır Djeksonvıllde (Florıda, AQSh) boldy.
UFC týrnıri aıasynda 30 mamyrda uıymnyń eks-chempıony Taıron Výdlı men Gılber Bernstiń arasynda jekpe-jek ótedi.
