UFC Qazaqstanda týrnır ótkizýdi josparlap otyr – Dana Ýaıt
ASTANA. KAZINFORM — Dana Ýaıt uıymnyń Qazaqstanda týrnır ótkizý boıynsha jumys istep jatqanyn málimdedi. Bul týraly Kazinform agenttigi Informsports.kz-ke silteme jasap habarlady.
Abý-Dabıde ótken UFC 333 týrnıriniń baspasóz máslıhatynda jýrnalıster promoýshen basshysynan Qazaqstanda UFC týrnıri qashan ótetinin surady.
— Jaqyn arada. Biz osy baǵytta jumys istep jatyrmyz, — dep jaýap berdi Dana Ýaıt.
Qazirgi ýaqytta UFC-de Qazaqstan atynan bes sportshy óner kórsetedi. Olar: Shavkat Rahmonov (19-0), Asý Almabaev (24-3), Dııar Nurǵojaı (12-2), Nıkolaı Veretennıkov (14-8) jáne Álibı Ydyrys (10-1, 1 NC).
Eske salaıyq, buǵan deıin Asý Almabaev UFC-diń burynǵy úmitkerimen bolatyn kezdesýge úsh elde daıyndalatynyn jazǵanbyz.
