UFC: Damır Ysmaǵulov qatarynan besinshi jeńisine qol jetkizdi
NUR-SULTAN. QazAqparat – Qazaq faıteri Damır Ysmaǵulov AQSh-tyń Tehas shtatyndaǵy Ostın qalasynda ótken UFC on ESPN 37 týrnırinde grýzııalyq Gýram Kýtateladzeni (12-2) utty, dep habarlaıdy QazAqparat tilshisi.
Úsh raýndqa sozylǵan jekpe-jekte D.Ysmaǵulov tóreshiler sheshimimen jeńiske jetti. Qorytyndy nátıje – 28:29, 29:28, 30:27.
Osylaısha, orynborlyq qazaq D.Ysmaǵulov kásibı jolyndaǵy 24-inshi, al UFC-taǵy qatarynan besinshi jeńisine qol jetkizdi. Gýram Kýtateladze úshinshi ret jeńilis tapty.
Budan buryn Damır UFC dodasynda aýstralııalyq Aleks Gordjesti (7-1), ıspanııalyq Hoel Alvaresti (19-3), brazılııalyqtar Tıago Moızesti (15-6), Rafael Alvesti (20-10) jeńgen bolatyn.
Ostındegi basty jekpe-jek amerıkalyqtar Kelvın Kattar men Djosh Emmett arasynda ótti. Munda K.Kattar favorıt sanalǵanymen, kútpegen jerden D.Emmett qarsylasyn qapy qaldyryp ketti.
Eske sala keteıik, budan buryn Damır Ysmaǵulovtyń qarsylasymen kóz arbasqanyn jazǵan bolatynbyz.
