UFC: Damır Ysmaǵulov qarsylasymen kóz arbasty
NUR-SULTAN. QazAqparat - UFC-de QAZAQ laqap atymen óner kórsetetin qazaq faıteri Damır Ysmaǵulov (23-1) kelesi jekpe-jegi aldyndaǵy salmaq ólsheýden sátti ótip, qarsylasymen kóz arbasty, dep habarlaıdy QazAqparat.
Salmaq ólsheý nátıjesinde, Damır tarazyda 73.3 kg kórsetse, qarsylasynyń salmaǵy 70.5 kg boldy.
Aıta keteıik, Damır 19 maýsym kúni AQSh-nyń Tehas shtatyndaǵy Moody Center arenasynda ótetin UFC on ESPN 37 aıasynda grýzııalyq Gýram Kýtateladzemen (12-2) jekpe-jekke shyǵady.
Keshtiń basty jekpe-jeginde amerıkalyq faıterler Kelvın Kattar (23-5) men Djosh Emmett (17-2) aıqasady.
Foto: mmajunkie.usatoday.com
