UFC: Damır Ismaǵulovtyń jekpe-jegin qaıdan kórýge bolady
ASTANA. QazAqparat - Reseılik qazaq Damır Ismaǵulovtyń UFC týrnırindegi alǵashqy jekpe-jegin Qazsport arnasy kórsetetin bolady, dep habarlaıdy QazAqparat.
Bul týraly «Qazaqstan» teleradıokorporatsııasynyń Basqarma tóraǵasy Erlan Qarın óziniń Instagram paraqshasynda jazdy.
«2 jeltoqsan kúni tańerteń Qazsport arnasynyń efırine qosylyp, Avstralııada ótetin UFC týrnırin birge tamashalaıyq. Bi úshin bul basty oqıǵa - Ol Damır Ismaǵulov baýyrymyzdyń UFC alańyna tuńǵysh shyǵýy», - deıdi Erlan Qarın.
Jekpe-jek 2 jeltoqsanda tańǵy 05:30 shamasynda bastalady.
Eske sala ketsek, buǵan deıin jeńil salmaqtaǵy M-1 Global eks-chempıony Damır Ismaǵulov 2 jeltoqsanda Adelaıdtaǵy debıýttik kezdesýin eshqashan jeńilmegen avtralııalyqpen ótkizetinin habarlaǵan bolatynbyz. Damır Ismaǵulov(16-2-0) oktagonda birde-bir márte jeńilmegen Aleks «Hıtmen» Djordjespen (7-0-0) baq synasady.
UFC týrnırindegi alǵashqy qazaq Damır Ismaǵulovtyń qarsylasy kóz arbasý kezinde qorqytpaq bolǵan edi. Alaıda sportshy bul bopsaǵa mán bermeıtinin jetkizdi.
