UFC chempıony Habıb Nýrmagomedov atyraýlyq jankúıerlerimen kezdesti
Atyraýǵa jeńil salmaqtaǵy UFC chempıony Habıb Nýrmagomedov keldi. Ony qala turǵyndary jyly qarsy aldy. Jekpe-jek sheberi jergilikti fanattarymen kezdesý uıymdastyrdy. Kezdesýde otbasylyq úlgidegi balalar aýylynyń tárbıelenýshileri zaldaǵy aldyńǵy qatardan oryn aldy.
«Bes, on, on bes jyl burynǵy qatelikter men sátsizdikterden sabaq alý qajet. Óıtkeni, bul bolashaqta jańa jetistikke jetýińe kómektesedi. Biz tek ýaqytynda sabaq alyp, durys sheshim qabyldaýdy úırenýge tıispiz. Dúnıege kele sala eshkim chempıon bolmaıdy. Chempıon bolý úshin eńbektený, tájirbıe jınaý, belgili bir kezeńderden ótý kerek. Kez kelgen salada solaı. Artymnan ergen jastarǵa osyndaı keńes aıtqym keledi», - dedi Habıb Nýrmagomedov.
Kezdesýde Habıb Nýrmagomedov oblystyq otbasy úlgisindegi balalar aýyly jáne jasóspirimder úıiniń 20 tárbıelenýshisin sahnaǵa shaqyrdy. Olardyń árqaısysyna oıynshyqtar men óziniń avtorlyq kitabyn syıǵa tartty. Balalarmen estelik sýretke tústi.
Búgin Atyraýda jeńil salmaqtaǵy UFC chempıonynyń ákesi Abdýlmanap Nýrmagomedov atyndaǵy «Eagle FC 51» erejesiz jekpe-jegi ótedi. Osyǵan oraı, jekpe-jekke qatysatyn sportshylar kóz túıistirdi.
Jekpe-jek saǵat 17:00-de bastalady. Oǵan Atyraý oblysynyń 4 sportshysy qatysady.
Foto óńirlik kommýnıkatsııalar qyzmeti
