UFC alańyndaǵy tuńǵysh qazaqstandyq qyzdyń kelesi qarsylasy belgili boldy
NUR-SULTAN. QazAqparat - UFC-de óner kórsetetin qazaqstandyq sportshy qyz Marııa Agapova amerıkalyq promoýshndegi kelesi qarsylasynyń kim ekenin bildi, dep habarlaıdy QazAqparat Sports.kz resýrsyna silteme jasap.
Pavlodar týmasy kelesi jekpe-jegin 30 shildede Ońtústik Koreıa ókili En Djın Kımge (9-5-2) qarsy ótkizedi.
32 jastaǵy koreıalyq UFC-de 2017 jyldan beri óner kórsetedi. Ol segiz aıqas ótkizip, onyń ishinde úsheýinde jeńiske jetken.
Aıta keteıik, Marııa Agapova amerıkalyq lıgada tórt ret aıqas ótkizip, ekeýinde jeńiske jetti jáne ekeýinde jeńilis tapty.
Agapova sońǵy jekpe-jeginde ýkraınalyq Marına Morozǵa ekinshi raýndta ese jibergen bolatyn.
