Ýfada «Kóne Túrkistan jáne ıAsaýı murasy» atty kórme ashyldy
ASTANA. KAZINFORM – Bashqurtstan Respýblıkasynyń Ulttyq mýzeıinde «Áziret Sultan» Ulttyq tarıhı-mádenı mýzeı-qoryǵy usynǵan «Kóne Túrkistan jáne ıAsaýı murasy» taqyrybyndaǵy halyqaralyq kórmeniń saltanatty ashylýy ótti.
QR Mádenıet jáne aqparat mınıstrligi málimetinshe, ekspozıtsııada Uly Jibek jolyndaǵy basty ortalyq — ejelgi Túrkistan tarıhymen baılanysty biregeı arheologııalyq oljalar men mádenı jádigerler tanystyryldy.
Búkil túrki áleminiń rýhanı mádenıetine tereń áser etken XII ǵasyrdyń kórnekti fılosofy, aqyn, oıshyl Qoja Ahmet ıAsaýı ómiri men murasyna erekshe nazar aýdaryldy.
Memleket basshysy Qasym-Jomart Toqaevtyń Qoja Ahmet ıAsaýı murasyn nasıhattaý jónindegi tapsyrmasyna sáıkes uıymdastyrylǵan kórmede Qazaqstan Mádenıet jáne aqparat mınıstrliginiń qoldaýymen sırek jádigerler qoıyldy. Atap aıtsaq, Túrkistan oazısiniń qalashyqtary men qorǵandarynan tabylǵan sırek kezdesetin zattar, Qoja Ahmet ıAsaýı men onyń izbasarlarynyń qoljazba eńbekteri, Ámir Temirdiń buıryǵymen salynǵan Qoja Ahmet ıAsaýı kesenesiniń beınesin sýretteıtin sáýlet elementteri, fotomaterıaldar, ortaǵasyrlyq nýmızmatıkalyq jádigerler men qysh buıymdar jáne t.b. usynyldy.
Sondaı-aq kelgen kórermen ıAsaýı iliminiń Edil men Jaıyq musylmandaryna, onyń ishinde qazirgi Bashqurtstan aýmaǵyndaǵy kesenede jerlengen XIV ǵasyrdaǵy qazy, rýhanı kósem Hýseın-bekke áseri týraly málimetke qanyq bola alady.
Kórme 2025 jyldyń 3 tamyzyna deıin jalǵasady.
Túrkistan óńiri qýańshylyqpen qalaı kúresip jatqanyn jazǵan bolatynbyz.