Ýfada «Álemniń uly meshitteri» atty kórme uıymdastyrylady
ASTANA. 9 tamyz. QazAqparat - Musylmandardyń ulyq merekesi Oraza aıttyń qurmetine oraı Bashkırııa astanasynda Ahmed-Zakı Ýalıdı atyndaǵy ulttyq kitaphanada «Álemniń uly meshitteri» atty kórme uıymdastyrylady. Bul týraly muftyat.kz saıty jazady.
Kórme barysynda kórermenderge álemdik jáne ıslam mádenıetiniń jádigerine aınalǵan álemdegi eń áıgili ári ádemi meshitter beınelengen 12 keskindeme usynylady. Kórmede sondaı-aq, 60 jumystan turatyn úlken toptamanyń ishinde «25 paıǵambar» atty ataqty jumystardy da kezdestirýge bolady. Kórmege kelgen qonaqtar kórkem sýrettermen qatar, fotosýretshilerdiń jumystaryn da tamashalaı alady. Usynylyp otyrǵan jumystar osyǵan deıin Ýfadaǵy Kerýen saraıynyń Kongress-hollynda kórsetilgen eken.
