Ýfada 120 metrlik murja termometr baǵanasyna aınalady
ASTANA. QazAqparat - Ýfada jylý kásipornyna tıesili qaladaǵy uzyn murjalardyń biri arnaıy shamdarmen qaladaǵy aýa temperatýrasyn kórsetedi, dep jazady ufatime.ru portaly.
Qalalyq bıliktiń memlekettik satyp alý jónindegi portalynda osyndaı ótinim ornalastyryldy. Bıiktigi 120 metr, dıametri 10,5 metr temirbeton murjanyń boıynda temperatýra kórsetkishterin belgileıtin jaryq bergish shamdar ornatylady.
Tehnıkalyq talapta arnaıy shamdar murjanyń úsh jaǵynda syrtynda ornalastyrylyp, termometrdiń baǵandaryn kórsetýi tıis ekendigi jazylǵan. Aýa temperatýrasynyń kórsetkishteri qorshaǵan orta temperatýrasyna baılanysty ózgerip otyrýy tıis. Shamdar qyzyl, aq, kók jáne jasyl tústi berýi kerek.
Termometrdiń baǵanasy kún jyly bolǵanda qyzyl jáne sarǵylt tústi, al sýytqanda - kógildir jáne kók tústi bolady.
Murjanyń ushar basyndaǵy qaraý alańqaıynyń ústinde 115 metr bıiktikte kásiporynnyń sımvolıkasy, sondaı-aq ýaqyt pen temperatýra kórsetilgen ındıkator ornatylady.
Barlyq jumystar 2016 jyldyń 10 maýsymyna deıin oryndalýy tıis. Kelisimsharttyń quny 16,4 mln rýblge baǵalanýda.
