Ýfa áýejaıynan kóterilgen ushaq qozǵaltqyshy órtenip, qaıta qonýǵa májbúr boldy
ASTANA. QazAqparat - Ýfadan Sochıge baǵyt alǵan Red Wings áýe kompanııasy ushaǵynyń sol jaq qozǵaltqyshy órtenip, áýejaıǵa shuǵyl qaıta qonýyna týra keldi, dep habarlaıdy TASS agenttigi Ýfa qalasynyń Halyqaralyq áýejaıynyń baspasóz qyzmetine silteme jasap.
«Jergilikti ýaqyt boıynsha tańǵy 05:06-da (Máskeý ýaqytymen 03:06) Red Wings áýe kompanııasynyń Ýfa-Sochı baǵytyndaǵy Tý-204 áýe kemesiniń sol jaq qozǵaltqyshy órtenip, ushaq Ýfa áýejaıyna shuǵyl qonýǵa májbúr boldy. Bortynda 202 jolaýshy bolǵan. Olardyń barlyǵy áýe kemesi qonǵannan keıin 7 mınýt ótken soń úrlemeli basqyshtyń kómegimen evakýatsııalandy», - dedi baspasóz qyzmetiniń ókili.
Áýejaı qyzmetkerleri eshkimniń zardap shekpegenin, jolaýshylarmen áýe kompanııasynyń ókili jáne psıhologtar jumys jasap jatqanyn málim etti.
Qazirgi ýaqytta tergeý amaldary júrgizilip jatyr.
