ÚEU týraly jańa zań osy uıymdarǵa grant bólý máselesin qarastyrady - vıtse-mınıstr

ASTANA. QazAqparat - 2 jeltoqsan kúni Qazaqstan Respýblıkasynda qabyldanǵan «Úkimettik emes uıymdardyń qyzmeti týraly» jańa zań osy uıymdarǵa grant bólý máselesin zańdastyrǵan. Bul týraly búgin Ortalyq kommýnıkatsııalar qyzmetinde ótken brıfıng barysynda Mádenıet jáne sport vıtse-mınıstri Marat Ázilhanov málim etti.

«Ótken aptada, naqtyraq aıtsam, 2 jeltoqsanda elimizde «Úkimettik emes uıymdardyń qyzmeti týraly» jańa zań qabyldandy. Osy zań arqyly ózge de zańnamalyq aktilerge «Úkimettik emes uıymdar týraly» birneshe ózgerister men tolyqtyrýlar engizý kózdelgen. Jalpylaı alǵanda, zań Úkimettik emes uıym ókilderiniń usynysy boıynsha ázirlengen Jańa zańnyń maqsaty - azamattyq qoǵamdy ári qaraı damytý jáne úkimettik emes uıymdarǵa qoldaý kórsetý»,-deı kele vıtse-mınıstr jańa zań osy salaǵa qandaı jańalyqtar engizetin atap ótti.

«Jańa zańnyń negizgi baǵyttaryna toqtalsam, birinshiden, jańa zańmen granttar bólý máselesi qarastyrylǵan. ıAǵnı, elimizde, jańa zań osyǵan deıin bolmaǵan qarjylyq qural - úkimettik emes uıymdarǵa baǵyttalǵan granttar bólý máselesin qarastyrylyp otyr. Bul granttar úkimettik emes uıymdardyń áleýmettik jobalaryn qarjylandyrýǵa jáne ózderiniń damýyna jumsalady dep eskerilgen. Osy granttardy úılestirý úshin operator engizilip otyr. Bul operatordyń jumysy elimiz úshin ashyq, anyq bolady jáne qyzmeti belgilengen tártippen retteletin bolady. Aıta ketetin jaıt, osyndaı operatorlar kóptegen elderde bar», - dep atap ótti vıtse-mınıstr.