ÚEU-nyń ókilderi jergilikti ákimderdi halyq saılaýy tıis dep esepteıdi
Búgin Astanada ótken «Jergilikti jerlerdegi basqarý» taqyrybyndaǵy «dóńgelek ústelde» «Іltıpat» qoǵamdyq uıymynyń dırektory Tabııa Janmurzına osy máseleni kóterdi.
Uıym basshysy atap kórsetkendeı, osydan 7-8 jyl buryn bul zań keńinen talqylanyp, qabyldanbaı qalǵan bolatyn. Sol kezde jergilikti jerlerde ákimderdi saılaý máselesi atalǵan zańnyń qabyldanbaı qalýyna negizgi sebep boldy. «Bizdińshe, ákimderdi halyq saılaýy qajet.Sonda ǵana ákimder halyqqa bet buryp, onyń múddesi úshin qyzmet etetin bolady. Ol úshin «Jergilikti ózin-ózi basqarý týraly» zańdy áli de jetildirip, ony qabyldaý úshin barlyq jaǵdaı jasaý kerek dep oılaımyz. Elimizdegi barlyq úkimettik emes uıymdar osy zańdy talqylaý jumysyn jandandyryp, onyń qabyldanýyna atsalysý qajet dep esepteımiz», - deıdi T.Janmurzına.
