ÚEU-lar QR BǴM Balalar quqyǵyn qorǵaý komıtetin mınıstrliktiń quzyrynan shyǵaryp, jeke organ retinde qurýdy usynyp otyr
Onda «Qazaqstandaǵy daǵdarys ortalyqtarynyń odaǵy» zańdy tulǵalar birlestiginiń basqarma tóraıymy Zúlfııa Baısaqova, Qazaqstanda balalardyń quqyǵyn qorǵaý júıesi áli kúnge deıin júıeli jolǵa qoıylmaǵandyǵyn aıtty.
«QR Bilim jáne ǵylym mınıstrliginiń janynan Balalar quqyǵyn qorǵaý komıtetiniń qurylýy - balalar quqyǵyn qorǵaý mehanızmin qurýǵa jasalǵan talpynys qana boldy. Qoldaǵy statıstıka Komıtetti mınıstrliktiń qaramaǵynan shyǵaryp, balalar problemalaryn aıtyp bara alatyn, óz quqyqtaryn eresektermen teń qorǵaı alatyn - balalardyń quqyǵyn qorǵaý boıynsha jeke organdy qurý qajettigin kórsetip otyr», - dedi ol.
ÚEU tóraıymy sonymen birge, Qazaqstanda otbasymen jumys isteý boıynsha arnaıy baǵdarlamany ázirleýdi usyndy. «Baǵdarlamada ata-analarǵa basa nazar aýdarý kerek. Bizde ata-analarmen jumys isteıtin birde-bir mekeme ne ınstıtýt joq. Biz, ábalalar bizdiń bolashaǵymyz» deı otyra, olardyń aramyzda búgingi kúni ómir súrip jatqanyn umytyp ketemiz», - deıdi ol.
Z.Baısaqova, balalar men jasóspirimderge arnalǵan, demalystarsyz táýlik boıy jumys isteıtin «150» nómirli ulttyq senim telefon jelisiniń (Qazaqstannyń kez kelgen túkpirinen qońyraý tegin shalynady) jumysy týraly aıta kele, 2011 jyldyń úsh aıynda 107 myń, sonyń ishinde balalardyń quqyǵyn buzý faktilerine qatysty 1648 qońyraý shalynǵanyn jetkizdi.
«Kelip túsken qońyraýlarǵa jasalǵan taldaý, balalarymyzdyń ózara til tabysýy tómendegenin kórsetti. Oǵan ómirimizge qarqynmen enip jatqan ınfo-kommýnıkatsııalyq tehnologııalar sebepshi. Jaǵymsyz aqparattardyń úzdiksiz aǵyny - ınternet, telearnalar. Bul túptep kelgende eresekterdiń sharasyz otyrýynyń saldary», - deıdi ol.
Sondaı-aq ol, «Nur Otan» partııasynyń sońǵy sezinde Elbasy N.Nazarbaevtyń Qazaqstanda balalar men jastardy bir ıdeıa aınalasyna jumyldyratyn uıymdar qurý tapsyrmasyn tilge tıek etip, osy ýaqytqa deıin ne bılik, ne ÚEU-lar tarapynan ondaı uıymdardy qurýǵa talpynys jasalmaǵanyn, ne bul máselede balalardyń ózderine qolǵabys etýge ázirlikteri týraly ıshara bildirilmegenin ókinishpen aıtty.
