ÚEU-lar Qazaqstan sybaılas jemqorlyqqa qarsy is-qımyl agenttiginiń keńestik organdaryna kiredi

ASTANA. QazAqparat - Almatyda QR Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Alık Shpekbaevtyń halyqaralyq uıymdardyń, qorlardyń, sondaı-aq quqyq qorǵaýshy ÚEU-lardyń qazaqstandyq ókilderimen kezdesýi ótti, dep habarlaıdy «QazAqparat» HAA.

Kezdesý sońynda qatysýshylar dástúrli is-sharalardy Adam quqyqtary jáne zańdy saqtaý jónindegi halyqaralyq bıýronyń alańynda ótkizý týraly, sondaı-aq quqyq qorǵaý uıymdarynyń ókilderin agenttiktiń konsýltatıvtik-keńesshi organdary quramyna qosý týraly sheshim qabyldady.

Baıandama jasaý barysynda A. Shpekbaev is-sharaǵa qatysýshylardyń nazaryn agenttiktiń syndarly syn-eskertpelerdi qabyldaýǵa jáne problemalardy birlesip sheshý úshin sharalar ázirleýge daıyn ekendigine aýdardy.

Kezdesý ashyq formatta ótti, onyń barysynda árbir qatysýshy sóz sóılep, eskertpeleri men usynystaryn engizýge múmkindik aldy.