ÚEU-lar AITV-ǵa qarsy bılikpen birge kúresýge ýaǵdalasty
ASTANA. QazAqparat - Astana qalalyq JITS-ke qarsy kúres ortalyǵynda qoǵamdyq jáne úkimettik emes uıymdarǵa arnalǵan «dóńgelek ústel» otyrysy ótti.
Іs-shara ÚEU-men birlesken 2017 jylǵa arnalǵan jumys josparyna sáıkes uıymdastyryldy. Onyń negizgi maqsaty - qoǵamdyq jáne úkimettik emes uıymdar nazaryn AITV/JITS-tyń Astana qalasynda taralýy máselesine aýdartý jáne turǵyndar men osal toptar arasynda AITV-ınfektsııasyn aldyn alý boıynsha aqparttandyrý deńgeıin arttyrý.
Úkimettik emes uıymdar ózderiniń «Patsıent mektebi», «Álemdi jarqyrat», «Eńbek mıgranttary arasynda Týberkýlez/AITV emi men shekaraaralyq baqylaýy» atty jobalaryn tanystyrdy. Dóńgelek ústelge qatysýshylar 2017-2018 jyldarǵa arnalǵan birlesken jumys jospary men AITV/JITS-tyń aldyn alýdaǵy problemalyq máselelerdi jáne yqtımal sheshimderdi talqylady.
Іs-shara sońynda ÚEU-men 2017 jylǵa arnalǵan ózara yntymaqtastyq týraly kelisimge qol qoıyldy. Іs-sharaǵa barlyǵy densaýlyq saqtaý jáne áleýmettik qyzmet salasynda belsendi jumys atqaratyn 12 úkimettik emes uıym ókilderi qatysty.
