ÚEU-ǵa arnalǵan syılyqaqy: ótinim qabyldaýdyń sońǵy merzimi belgili boldy
ASTANA. KAZINFORM — Qazaqstanda úkimettik emes uıymdarǵa arnalǵan jyl saıynǵy syılyqaqy berý baıqaýyna ótinim qabyldaý jalǵasyp jatyr, dep habarlaıdy Mádenıet jáne aqparat mınıstrliginiń baspasóz qyzmeti.
Mınıstrliktiń málimetinshe, baıqaý maqsaty — úkimettik emes uıymdardyń áleýetin nyǵaıtý jáne qoǵamdyq mańyzy bar jobalardy iske asyrýǵa yntalandyrý úshin ınstıtýtsıonaldyq qoldaý kórsetý.
Syılyqaqy áleýmettik mańyzy bar 16 sala boıynsha beriledi. Bir salaǵa arnalǵan syılyqaqy mólsheri — 2000 AEK. Keıingi 9 jyl ishinde bul syılyqaqy 558 úkimettik emes uıymǵa tabystaldy. Jyl saıyn olardyń qatarynda aýdandar men aýyldyq eldi mekenderdiń damýyna úles qosyp júrgen 10-ǵa jýyq aýyldyq úkimettik emes uıym bar.
— Eger uıymyńyz qoǵamdyq bastamalardy júzege asyrýǵa belsendi qatysyp, óz salasynda nátıjeli jumys atqaryp, áleýmettik mańyzy bar máselelerdi sheshýge úles qosyp júrse, sizderdi úzdik úkimettik emes uıymdardy anyqtaýǵa arnalǵan baıqaýǵa qatysýǵa shaqyramyz. Ótinim qabyldaý 2026 jylǵy 1 qyrkúıekte saǵat 18:30–da (Astana ýaqytymen) aıaqtalady, — delingen habarlamada.
Baıqaýǵa qatysý talaptary týraly tolyq aqparatty myna silteme arqyly bilýge bolady. Qosymsha aqparat boıynsha myna telefondarǵa habarlasýǵa bolady: 8 (7172) 74-07-41, 74-09-97, 74-02-17.
Osydan buryn depýtat barlyq halyqaralyq ÚEU-nyń sheteldik qarjylandyrylýyn baqylaýdy usyndy.
