ÚEU arnalǵan syılyqqa konkýrs jarııalandy
Syılyq áleýmettik máselelerdi sheshýge úles qosqan úkimettik emes uıymdarǵa 15 baǵyt boıynsha beriledi.
Konkýrsqa Qazaqstan Respýblıkasynyń aýmaǵynda tirkelgen jáne ÚEU derekter bazasyna málimetterin ýaqytyly tapsyryp otyratyn úkimettik emes uıymdar qatysa alady. Bir úkimettik emes uıym bir mezette birneshe nomınatsııa boıynsha syılyqqa úmitker bola almaıdy. Syılyq bir márte ıe bolǵan úkimettik emes uıym úsh jyl ishinde konkýrsqa ekinshi ret qatysa almaıdy.
Úkimettik emes uıymdardyń baıqaýǵa qatysý týraly ótinishteri QR Din isteri jáne azamattyq qoǵam mınıstrliginiń Azamattyq qoǵam isteri komıtetine jiberilýi tıis. Baıqaýǵa qatysý úshin ótinish jáne saýalnama nysany, syılyqqa úmitker uıymnyń qyzmetiniń sıpattamasy, qoǵamdastyq ókilderiniń usynymdary (ÚEU) jáne (nemese) memlekettik organdardyń usynymdary, úkimettik emes uıymdardy memlekettik tirkeý (qaıta tirkeý) týraly quryltaı qujattarynyń jáne kýáliginiń (anyqtamanyń) kóshirmeleri, bank shotynyń bolýy týraly anyqtama (túpnusqa) bolýy kerek. Qujattar 2018 jyldyń 1 shildesinen bastap 1 qyrkúıekke deıin qabyldanady.
Aıta keteıik, aǵymdaǵy jylǵy 13 maýsymda Memleket basshysy «Qazaqstan Respýblıkasynyń keıbir zańnamalyq aktilerine kommertsııalyq emes uıymdardyń qyzmeti máseleleri boıynsha ózgerister men tolyqtyrýlar engizý týraly» Zańyna qol qoıǵan bolatyn.
Atalǵan Zańnyń qabyldanýy syılyq alýǵa usynylatyn úkimettik emes uıymdardyń múmkindigin keńeıtedi. Buryn ÚEU syılyq alý úshin jyl saıynǵy konkýrsqa bir ret qatysyp, odan keıin úsh jyl ishinde konkýrsqa qatysa almaıtyn. Zań qabyldanǵannan keıin ótken jyly syılyqaqy alýǵa usynylǵan, biraq jeńimpaz bolyp tabylmaǵan úkimettik emes uıymdar kelesi jyldary da syılyq alýǵa úmitker bola alady.
