ÚEU arasynda memlekettik grantqa baıqaý qaıta jarııalandy

ASTANA. QazAqparat  «Azamattyq bastamalardy qoldaý ortalyǵy» kommertsııalyq emes aktsıonerlik qoǵamy jalpy somasy 176,5 mln teńgege áleýmettik mańyzdy jobalardy júzege asyrý úshin úkimettik emes uıymdar arasynda memlekettik granttarǵa qaıta baıqaý jarııalady, dep habarlaıdy QazAqparat. 

Atap ótilgendeı, aǵymdaǵy jyldyń 3 qańtary kúni úkimettik emes uıymdar arasynda granttar áleýmettik mańyzy bar 11 baǵytta 87 taqyryp boıynsha jarııalanǵan bolatyn. 202 úkimettik emes uıymnan 352 ótinish tústi, qazir olar baıqaý komıssııasynyń qaraýynda. 87 taqyryptyń ishinen ótinim túspegen nemese ótinimder talapqa saı bolmaǵan 23 taqyryp boıynsha qaıta baıqaý jarııalanyp otyr. Baıqaý týraly tolyq aqparat Ortalyqtyń resmı saıtynda habarlanǵan.  

Esterińizge sala keteıik, QR Din isteri jáne azamattyq qoǵam mınıstrliginiń qoldaýymen azamattyq bastamalardy qoldaý, azamattyq qoǵam ınstıtýttarynyń áleýetin kóterý, áleýmettik mańyzdy máselelerdi sheshý  maqsatynda 2016 jyly «Azamattyq bastamalardy qoldaý ortalyǵy» KEAQ qurylǵan bolatyn. Ortalyq operator retinde úkimettik emes uıymdarǵa grant bólip, onyń sapaly júzege asýyn qadaǵalaıdy.