UEM: Eldiń keıbir óńirinde ekonomıkalyq kórsetkishterdiń turaqsyzdyǵy baıqalýda

ASTANA. QazAqparat - Eldiń keıbir óńirinde ekonomıkalyq turaqsyz jaǵdaı baıqalýda. Bul týraly búgin Úkimet otyrysynda QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat tilshisi.

"Aǵymdaǵy jyldyń basynan beri eldiń keıbir óńirinde turaqsyz jaǵdaı baıqalýda. Máselen, ónerkásip boıynsha Qaraǵandy, Qyzylorda, Soltústik Qazaqstan, Batys Qazaqstan, Mańǵystaý jáne Aqmola oblystary teris serpindi kórsetti. Bul óńirlerde munaı, gaz kondensatyn, ýran kenin, jalpaq ılek jáne júk vagondaryn óndirý qysqardy", - dedi ol.

Degenmen, mınıstr dereginshe, Shyǵys Qazaqstan, Atyraý, Qostanaı oblystarynda, Astana qalasynda ónerkásipte joǵary ósim baıqalyp otyr.

"Aýyl sharýashylyǵynda Atyraý oblysynan basqa, barlyq óńirlerde ósim baıqalady. Aıtarlyqtaı ósimdi Aqmola oblysy kórsetýde. 6 óńirde qurylys qarqyny tómendegeni baıqaldy. Olar: Astana qalasy, Aqmola, Soltústik Qazaqstan, Qyzylorda, Mańǵystaý jáne Batys Qazaqstan oblystary. Óńirlerdegi quldyraý tehnogendik mıneraldyq túzilimderdi qaıta óńdeý fabrıkasynyń, «Abý-Dabı Plaza» kópfýnktsıonaldy kesheniniń, magıstraldy munaı jáne gaz qubyrlarynyń, turǵyn jáne ónerkásiptik ǵımarattardyń, bilim berý obektileriniń qurylysy boıynsha jumystardyń azaıýymen baılanysty",- dedi T.Súleımenov.