Ýels hanzadasy Gazadaǵy atysty toqtatýǵa shaqyrǵany úshin aıyptaldy

ASTANA. KAZINFORM –   Ýels hanzadasy Ýılıam Gaza sektoryndaǵy soǵys qımyldaryn tezirek toqtatýǵa shaqyrdy. Onyń sózi Ulybrıtanııada úlken daý týdyrdy, óıtkeni keıbireýler taq murageriniń álemdik kún tártibindegi eń kúrdeli saıası máselege tikeleı aralasýy zańsyz dep sanaıdy, dep jazady BBC.

Hanzada Londondaǵy Brıtandyq Qyzyl Kresttiń shtab-páterine málimdeme jasady.

«Tym kóp adam óltirildi. Keıde beıbitshiliktiń mańyzyn adamzat orasan qasiretke tap bolǵan kezde ǵana túsinemiz. Biz úmitsizdikke jol bermeýimiz kerek. Jarqyn bolashaqtan áli de úmitimdi úzbeımin jáne bas tarta almaımyn», - dedi hanzada.

Ýels hanzadasy Gazadaǵy Qyzyl Krest qyzmetkerlerimen beıne qońyraýǵa da qatysty. Ulybrıtanııa úkimeti hanzada Ýılıamnyń sózderin resmı túrde maquldady, óıtkeni olar Londonnyń Gazadaǵy soǵysqa qatysty ustanymymen tolyq sáıkes keledi.

Brıtandyq Guardian gazeti tipti taq murageri óz málimdemesin qazir Izraıl bıligine barynsha qysym kórsetýge tyrysyp jatqan úkimetpen kelise otyryp jasaýy múmkin dep boljaıdy. Alaıda onyń mańyzdy saıası máselege qatysty pikirin bildirýi monarhııany jaqtaýshylar men qarsylastardyń qarsylyǵyn týdyrdy.

Brıtandyq qoldanystaǵy zańnamaǵa sáıkes, koroldik otbasynyń aǵa múshelerine saıası dep eseptelýi múmkin málimdeme jasaýǵa ruqsat etilmeıdi.

Ulybrıtanııa sııaqty ejelgi parlamenttik dástúri bar elde erkin qoǵamnyń negizgi quqyǵynan aıyrylǵan koroldik otbasy barlyq artyqshylyqqa ıe. London ýnıversıtettik kolledjiniń konstıtýtsııalyq zańgeriniń aıtýynsha, «koroldik otbasy músheleriniń sóz bostandyǵyna quqyǵy joq jáne olar ony moıyndaıdy.