ÝEFA jyldyń úzdik fýtbolshysyn atady
ASTANA. QazAqparat - Madrıdtik «Real» quramasynyń shabýylshysy portýgaldyq Krıshtıaný Ronaldý Eýropa fýtbol qaýymdastyǵy (ÝEFA) odaǵynyń nusqasy boıynsha Eýropanyń 2013-2014 jylǵy maýsymdaǵy eń úzdik fýtbolshysy atandy. Bul týraly Monte-Karlodaǵy Chempıondar lıgasynyń jerebe tastaýynan keıin belgili boldy.
«Bıylǵy jyl men úshin asa tamasha boldy. Men óz komandamdy, bapkerim men jankúıerlerimdi maqtan tutamyn. Asa qýanyshtymyn. Komandalastaryma alǵys aıtamyn, sebebi olarsyz bul júldeni ıelenbes te edim», - deıdi Ronaldý. 29 jastaǵy oıynshy «Real» quramasynda Chempıondar lıgasy men ÝEFA Sýperkýbogyn, Ispanııa kýbogyn utqanymen, chempıonatta jeńiliske ushyrady. Sondaı-aq Ronaldý bastaǵan portýgaldyq komanda bıylǵy Brazılııadaǵy álem chempıonatynda da top jaryp shyǵa almaǵan edi.
«Eýropadaǵy maýsymnyń eń úzdik oıynshysy» júldesi ÝEFA-da 2011 jyldan bastap France Football aptalyǵy Eýropadaǵy maýsymnyń úzdik oıynshysyna beretin «Altyn dop» FIFA tapsyratyn «Álemdegi jyldyń eń úzdik oıynshysy» júldesimen biriktirilgen soń paıda boldy. ÝEFA-nyń jańa júldesiniń ıegerin de 1956-2009 jyldar aralyǵyndaǵy «Altyn doptaǵydaı» jýrnalıster anyqtaıdy. «Eýropadaǵy maýsymnyń eń úzdik oıynshysy» júldesiniń alǵashqy ıegeri 2011 jyly Lıonel Messı boldy. Ony 2012 jyly Andres Inesta, al 2013 jyly Frank Rıberı aldy, dep habarlaıdy ITAR-TASS.
