ÝEFA «Jyl komandasynyń» quramyn anyqtady
ASTANA. QazAqparat - Eýropalyq fýtbol qaýymdastyǵy (ÝEFA) 2000 jyl basynan bergi úzdik fýtbolshylardan quralǵan komandany atady, dep habarlaıdy QazAqparat qaýymdastyq saıtyna silteme jasap.
«Jyl komandasyna» ótken 16 jylda úzdik oıynymen kózge túsken sheberler irikteldi. Olardyń arasynda ataqty qaqpashy Iker Kasılıas bar. Ol 2007 jyldan bastap №1 jeıdeni eshkimge bermegen. Qorǵanysta ıspan úshtigi: Serhıo Ramos, Jerar Pıke jáne Karles Pýıol jaıǵasqan.
Sondaı-aq, nemis kapıtany Fılıpp Lam da úzdikter qatarynda. Ortalyq alańnyń sheberleri Havı men Andres Inesta, aǵylshyndyq Stıven Djerrard joǵary upaıǵa ıe bolǵan. Úzdik shabýylshy Terrı Anrı 2000-jyldan bastap «Jyl komandasyna» 5 márte engen. Bul quramaǵa eń kóp (11 ret) kirgen -Krıshtıaný Ronaldý. Portýgaldyq fýtbolshyny Lıonel Messı ókshelep qaldy. Ol úzdik fýtbolshylar qatarynan 8 ret kórindi.
Aıta keteıik, Messı 2017 jyldyń qorytyndysy boıynsha «Altyn býtsy» ıegeri atandy. Argentınalyq mergen shabýylshy 74 upaı enshilep, Bas Dost pen Per-Emerık Obameıangty ozdy.
