UEFA Jasóspirimder lıgasynda «Qaırat» komandasy neshinshi orynda keledi

ASTANA. KAZINFORM — 2025/26 jylǵy maýsymdaǵy UEFA jasóspirimder lıgasynyń VI týrynan keıin jalpy kezeńdegi qorytyndy týrnır kestesi belgili boldy. 

Bul oıyndarǵa erejege sáıkes 19 jasqa deıingi jasóspirimder qatysa alady. Atalǵan týr 9-10 jeltoqsan kúnderi ótkizildi. Alty týrdan keıin 16 upaı jınaǵan Anglııanyń «Chelsı» komandasy akademııasynyń tárbıelenýshileri kósh basynda keledi. Odan keıingi oryndarda 15 upaımen Portýgalııanyń «Benfıka», Belgııanyń «Brıýgge», Ispanııanyń «Real Madrıd» jáne «Vılıareal» klýbtary tur.

Qazaqstandyq «Qaırat» akademııasynyń fýtbolshylary jalpy kezeńniń qorytyndysy boıynsha 4 upaımen 28-orynǵa taban tirep, 1/16 fınalǵa joldamadan tys qaldy. Olar grekııalyq «Olımpıakos» jasóspirimderin (2:0) jeńip, danııalyq «Kopengagen» klýbymen (2:2) teń oınady.
Sondaı-aq olar Portýglaııanyń «Sportıng» (2:3), Ispanııanyń «Real Madrıd» (1:4), Kıprdiń «Pafos» (1:3), Italııanyń «Inter» (0:3) jasóspirimder komandalarynan jeńilip qaldy.

Almatylyq jas fýtbolshylar Germanııanyń «Bavarııa» akademııasy komandasymen birdeı upaı jınady. Degenmen olardan dop aıyrmasy boıynsha tómen tur.

Qazaqstandyq klýb jastarynan tómengi oryndarǵa 4 upaı jınaǵanyna qaramastan dop aıyrmasy nashar «Atalanta» (Italııa), «Pafos» (Kıpr), «Galatasaraı» (Túrkııa), «ıÝnıon Sent-Jıllýa» (Belgııa), «Arsenal» (Anglııa) klýbtary ornalasqan. Al birde-bir upaıǵa qol jetkize almaǵan «Nıýkasl» (Anglııa), «Býde Glımt» (Norvegııa), «Karabah» (Ázerbaıjan) klýbtary sońǵy oryndardy mise tutyp tur. 

Eske salsaq, Fýtboldan UEFA Chempıondar lıgasy negizgi kezeńiniń altynshy týrynda almatylyq «Qaırat» elordada grekııalyq «Olımpıakostan» 0:1 esebimen ese jiberdi.