UEFA Ulttar lıgasy jartylaı fınal oıyndary bastalady
NUR-SULTAN. QazAqparat - Búgin UEFA Ulttar lıgasy A lıgasynyń jartylaı fınal oıyndary bastalady, dep habarlaıdy QazAqparat tilshisi.
Aıta ketsek, jarystyń atalǵan satysynda Italııa, Ispanııa, Belgııa jáne Frantsııa quramalary synǵa túsedi.
6 qazanda Italııa men Ispanııa quramalary sheberlik baıqassa, 7 qazanda Belgııa men Frantsııa quramalary jasyl alańǵa shyǵady.
Atalǵan eki oıyn elorda ýaqytymen 00:35-te bastalyp, «Qazsport» telearnasynan tikeleı efırde kórsetiledi.
Jeńimpazdar 10 qazanda fınalda kezdesse, dál sol kúni 3-oryn úshin saıys ótkiziledi.
2020/21 jylǵy kezeńde Qazaqstan quramasy A tobynda Albanııa, Belarýs jáne Lıtva quramalarymen oınap, tórtinshi oryndy mise tutty.
Endi qazaqstandyq fýtbolshylar 2022 jyldyń 24 jáne 28 naýryz kúnderi ótpeli kezeń oıyndaryn ótizedi. Jeńgen qurama S lıgasynda qalady.
Ulttar Lıgasy oıyndary 2018 jyldan bastap ótkiziledi. Alǵash ret Portýgalııa quramasy chempıon ataǵyn jeńip aldy. 2019 jyly bolǵan jarystyń fınaldyq satysynda Portýgalııa, Nılerlandy, Anglııa men Shveıtsarııa quramalary básekege tústi. Bul joly Qazaqstan quramasy D lıgasynda birinshi topta Grýzııa, Latvııa jáne Andorramen synǵa túsip, ekinshi oryn aldy.
