UEFA Ulttar lıgasy toptyq kezeńindegi Qazaqstan quramasynyń úzdik oıynshysy anyqtaldy
ASTANA. QazAqparat - Fýtboldan bıylǵy UEFA Ulttar lıgasynda óz tobynda Qazaqstan quramasy sapyndaǵy úzdik oıynshy anyqtaldy, dep habarlaıdy QazAqparat tilshisi.
WhoScored.com fýtbol statıstıkasy saıtynyń nusqasy boıynsha S dıvızıony úshinshi tobyndaǵy barlyq qurama oıynshylary arasynda qazaqstandyq Mıhaıl Gabyshev joǵary reıtıngke qol jetkizdi. Ony ortasha baǵalaý 7.3 baldy qurady.
Sondaı-aq, atalǵan toptyń sımvolıkalyq quramasyna Gabyshevten ózge taǵy tórt fýtbolshy engizilgen.
Eske salsaq, Qazaqstan ulttyq quramasy atalǵan topta Ázerbaıjan, Slovakııa jáne Belarýsti artqa salyp, birinshi oryn aldy.
El quramasy alty oıynnyń 4-eýinde jeńiske jetse, 1-eýinde teń oınap, 1-eýinde qarsylasqa ese jiberdi.
Qazaqstandyq fýtbolshylar bir týr buryn V dıvızıonyna joldamaǵa qol jetkizdi. Oǵan qosa 2024 jylǵy Eýropa chempıonaty fınaldyq satysyna beriletin joldamany sarapqa salýǵa múmkindik aldy.
