UEFA Ulttar lıgasy: Qazaqstan-Slovakııa kezdesýine tóreshiler belgilendi
NUR-SULTAN.QazAqparat - Fýtboldan UEFA Ulttar lıgasynyń tórtinshi týryndaǵy Qazaqstan-Slovakııa kezdesýinde qazylyq etetin tóreshiler quramy belgili boldy, dep habarlaıdy QazAqparat tilshisi.
Kezdesýde belgııalyq Bramom van Drıske bas tóreshi qyzmetin atqarady. Oǵan otandastary Romen Devııers pen Kevın Montenı kómekshilik jasaıdy. Qosalqy tóreshi de belgııalyq Jonatan Lardo. Sondaı-aq, tóreshiniń vıdeo jóninen kómekshisi nıderlandylyq Ingmar Oýstrom.
Aıta ketsek, qazaqstandyq fýtbolshylar S lıgasy úshinshi tobynda synǵa túsedi. Qarsylastary - Belarýs, Ázerbaıjan men Slovakııa.
Alǵashqy úsh týrdan keıin 7 upaı jınaǵan Qazaqstan birinshi orynda keledi.
Qazaqstandyq fýtbolshylar Ázerbaıjandy 2:0, Slovakııany 1:0 esebimen tize búktirse, Belarýspen 1:1 esebimen teń tústi.
Qazaqstan-Slovakııa kezdesýi elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.
