ÝEFA Ulttar lıgasy: Qazaqstan quramasy Grýzııa, Latvııa jáne Andorramen kezdesedi
ASTANA. QazAqparat - Shveıtsarııanyń Lozanna qalasynda ÝEFA Ulttar Lıgasynyń jerebe tartý rásimi ótti, dep habarlaıdy QazAqparat Qazaqstan fýtbol federatsııasyna silteme jasap.
Jańa týrnır kóptegen joldastyq kezdesýlerdi mańyzy joǵary oıyndarǵa aýystyrady. Ulttyq quramalarǵa deńgeıi teń qarsylastarmen oınaýǵa múmkindik beredi.
55 quramanyń barlyǵy ÝEFA reıtıngi (A lıgasynda - 1-12 oryn ıeleri, V lıgasynda - 13-24 oryn ıeleri, S lıgasynda - 25-39 oryn ıeleri, D lıgasynda - 40-55 oryn ıeleri ) boıynsha tórt lıgaǵa bólingen. Ár lıgada komandalar reıtıng boıynsha úsh (A jáne V lıgalary) nemese tórt (S jáne D lıgalary) sebet ornalasty.
Jerebe qorytyndysy boıynsha Qazaqstan quramasy D1 tobyna Andorra, Latvııa jáne Grýzııa quramalarymen birge tústi.
Alǵashqy týrdyń oıyndary 2018 jyldyń 6-8 qyrkúıeginde ótedi.
Fınaldyq kezeńniń jerebesi 2018 jyldyń qyrkúıeginde tartylady.
Fınaldyq kezeń 2019 jyldyń 5-9 maýsymy aralyǵynda ótedi.
EÝRO-2020 ótpeli matchtarynyń jerebesi 2019 jyldyń 22 qarashasynda tartylady.
EÝRO-2020 ótpeli matchtary 2020 jyldyń 26-31 mamyrynda ótedi.
