ÝEFA tarıhyndaǵy eń úzdik gol - VIDEO
ASTANA. QazAqparat - Harkov «Metallısiniń» oıynshysy Taısonnyń norvegııalyq "Rýsenborg" qaqpasyna soqqan goly ÝEFA-nyń 60 jyldyq tarıhyndaǵy eń úzdik doptar konkýrsynda kósh bastap tur, dep jazady rg.ru.
Ǵajaıyp gol salynǵan sáttiń beınerolıgine ÝEFA-nyń resmı saıtyna tirkelgen 2000 adam oń baǵa bergen. Salystyrý úshin aıta keter bolsaq, basqa beınerolıkterdiń eń aldy 320 daýys jınaǵan eken. Biraq munda jeńimpaz daýys sanymen emes, qoıylǵan baldyń ortaq kórsetkishimen esepteledi. Ár baǵa berýshi 1-den 5 upaı aralyǵynda goldy baǵalaıdy. Qazirgi sátte Taısonnyń goly ortaq kórsetkishi 4,5-ten asqan jalǵyz dop ekenin aıta ketken jón.
1988 jyly Eýropa chempıonatynda KSRO quramasynyń qaqpasyna soǵylǵan ataqty Marko van Bastenniń goly da osy konkýrsta baǵalanǵan bolatyn. Biraq onyń ortaq kórsetkishi 4 baldan aspaǵan edi. Taıson, sondaı-aq, Lýısh Fıgý, Zınedın Zıdan, Ibragımovıch, Falkao men Krıshtıaný Ronaldýlardan da ozyq tur.
