ÝEFA tarapy árdaıym QFF-ke qoldaý jasaıtynyn málimdedi
ASTANA. QazAqparat - ÝEFA atynan baıqaýshy Jak Bondallaz Seıilda Baıshaqovty Qazaqstan Fýtbol federatsııasynyń basshysy bolyp taǵaıyndalýymen quttyqtady, dep habarlaıdy QazAqparat.
«ÝEFA Prezıdenti men Bas hatshysy atynan QFF jańa prezıdentin quttyqtaǵym keledi. Seıilda Baıshaqov - qazaqstandyq fýtboldyń ańyzy. Ol Keńes Odaǵynyń fýtboldan eń myqty lıgasynda 7 maýsym ótkizdi. KSRO quramasynda óner kórsetti, onyń ishinde Majarstan quramasyna qarsy irikteý oıynyna qatysty, QFF vıtse-prezıdenti boldy. Sondyqtan da onyń aldaǵy jumysyna tabys tileımin. ÝEFA árdaıym sizderge kómek qolyn sozýǵa jáne qoldaýǵa ázir ekenin umytpańyzdar. Osy oraıda bizge kez kelgen másele boıynsha jolyǵa alasyzdar, onyń ishinde klýbtardy lıtsenzııalaý, zańgerlik jáne basqa da sharalar aıasynda kómegimizdi usyna alamyz»,-dedi Bondallez QFF XIV kezekten tys saılaý konferentsııasynda
Budan buryn habarlanǵandaı, búgin Qazaqstan Fýtbol federatsııasynyń jańa prezıdenti bolyp Seıilda Baıshaqov saılandy. Onyń osy qyzmettegi ókilettigi 2020 jyldyń 28 qarashasyna deıingi merzimge belgilendi.
