ÝEFA Sýperkýbok oıynynyń formatyn ózgertti

NЬON. QazAqparat – ÝEFA Eýropa sýperkýbogy matchynyń formatyn ózgertti, dep habarlaıdy QazAqparat championat.com resýrsyna silteme jasap.

Ispandyq Mundo Deportivo basylymynyń habarlaýynsha, jańa erejege sáıkes matchtyń negizgi ýaqytynda teń bolǵan jaǵdaıda qarsylastar birden 15 mınýttyq eki qosymsha taımda oınaýdyń ornyna penaltı serııasyn bastaıdy.

2023 jylǵy ÝEFA Sýperkýbogy úshin oıynda 2022/2023 maýsymynda Chempıondar lıgasyn jeńip alǵan «Manchester Sıtı» men Eýropa lıgasynyń qazirgi jeńimpazy «Sevılıa» oınaıdy.

Kezdesý sársenbi, 16 tamyzda Pıreıdegi (Gretsııa) Karaıskakıs stadıonynda ótedi.

Kýboktyń qazirgi ıegeri - Frankfýrttan kelgen «Aıntrahtty» jeńgen madrıdtik «Real» (2:0).

Bıylǵy ÝEFA sýperkýbogy Qazanda ótýi kerek edi, biraq qańtarda Eýropalyq fýtbol qaýymdastyqtary odaǵy (ÝEFA) kezdesý ótetin oryndy Afınaǵa kóshirdi.

Buǵan deıin ÝEFA álem chempıonatynyń irikteý formýlasyn ózgertkeni habarlanǵan bolatyn.