ÝEFA: «Shahter» qurbandyqqa qoı soıýyn toqtatpasa tártiptik jazaǵa ushyraıdy
ASTANA. 28 tamyz. QazAqparat - Eger qaraǵandylyqtar qurbandyq shalýyn toqtatpasa, ÝEFA tarapynan jazalanýy múmkin. Qazaqstandyq klýb taǵy da qoı soıatyn bolsa tıisti jaza alatyndary jóninde eskertý aldy, dep habarlaıdy Sports.kz shotlandııalyq BAQ-qa silteme jasap.
Qazaqstan chempıony Astanada ótken alǵashqy kezdesý aldynda qurbandyqqa mal soıǵan bolatyn. Ol matchta «Shahter» 2:0 esebimen basym túsken soń endi qarymta match ótetin «Seltık Park» stadıonynda da qoı soıylatyny jóninde aqparat taraǵan edi.
Osydan soń janýarlar quqyǵyn qorǵaıtyn «Peta» toby ÝEFA prezıdenti Mıshel Platınıge hat joldap, «Shahterdi» jazalaýdy suraǵan eken. Nátıjesinde ÝEFA «Shahtermen» habarlasyp, eger qaraǵandylyqtardyń kesirinen qandaı da bir janýarlar zardap shegetin bolsa, olar tártiptik jazaǵa ushyraıtynyn eskertken.
